ယကတဲပႜးသု တဿ္နံၯကမွံ ဖဲလဿယနီဿ္ဆံးခါ ယသရဢ္တဲယုဿ္ယၯ.

၁. တဘ်ီီ တဿ္အိဢ္ဖွိဢ္အိဢ္၀ဲတဖု အိဢ္ဒီး အတဿ္အိဢ္ဖွိဢ္သရဢ္ တဂၯန့ဢ္လီၯ. တဿ္အိဢ္ဖွိဢ္သရဢ္အံၯ အိဢ္ဒီး အတဿ္အိဢ္ဖွိဢ္ဖိ အါမးန့ဢ္လီၯ. လဿအတဿ္အိဢ္ဖိွဢ္ဖိအက်ါ အတဿ္အိဢ္ဖွိဢ္ဖိ လဿအီသံးဆူဢ္ဒီး တတုၯဆူသရိဢ္စိမိၯ ဘဢ္န့ဢ္လီၯ. တဿ္အိဢ္ဖိွဢ္သရဢ္ ဒ္အမူအဒါအိဢ္ အသိး တဿ္အိဢ္ဖွိဢ္ဖိ မ့ဿ္ကမဢ္န့ဢ္ ကဘဢ္တဲ အတဿ္အိဢ္ဖွိဢ္ဖိန့ဢ္လီၯ.  ဒ္မူဒါအိဢ္ဒီးအီၯအသိး အ၀ဲလဲၯဆူ အတဿ္အိဢ္ဖိလဿ အီသံးဆူဢ္တဂၯ အဟံဢ္ဒီး သိဢ္က့ၯသီက့ၯ ၀ဲအတဿ္အိဢ္ဖွိဢ္ဖိ တဂၯန့ဢ္၊ အီ လဿၯသံးတဂ့ၯ အိဢ္ဘွံးနံၯန့ဢ္လဲၯဘူဢ္ထူ ဘါယြၯတက့ဿ္. နမ့ဿ္တမၯဒ္န့ဢ္ဘဢ္ဒီး နတုၯဆူတဿ္မူအထူ အယိာ္တသ့ဘဢ္. မ့မ့ဿ္တဿ္အိဢ္ဖွိဢ္ဖိ တဂၯတခီ တဒိကနဢ္၀ဲဘဢ္ အိဢ္မူ ဒ္အိဢ္မူညီနုဿ္အသိးလီၯ. အီဒဢ္သံး ဒိဒဢ္ဖဲ ဒ္သးလဿအအဲဢ္ဒိး အသိးန့ဢ္လီၯ. ဒီးလဿအါနံဢ္အတီဿ္ပူၯ တဿ္အိဢ္ဖွိဢ္ဖိတဂၯ ဒီး တဿ္အိဢ္ဖိွဢ္သရဢ္ သံ၀ဲဒဢ္န့ဢ္လီၯ. တဿ္အိဢ္ဖွိဢ္ဖိတ၈ၯ ဒ္အိဢ္မူတ့ဿ္အသိး အီသံး ဒိဖဲ အီဢ္မ့ၯ အဃိ တုၯ၀ဲဆူလရာ္န့ဢ္လီၯ. အ၀ဲအိဢ္လဿ လရာ္ယံာ္ယံာ္ ဒီးတဿ္ကဿဢ္အသးဒီး ကြဿ္လီၯတဿ္လဿ လရာ္တဖီလာ္ ဒီးထံဢ္၀ဲလဿ တဿ္အိဢ္ဖွိဢ္သရဢ္န့ဢ္လီၯ. ဒီး စံး၀ဲ အိသရဢ္နမၯဒ္လဲဢ္. တဿ္အိဢ္ဖွိဢ္သရဢ္တဲ ရွဳၯရွဳၯ သဲတဂ့ၯ နကြဿ္စါကြဿ္လဿန့ဢ္  လဿလရာ္ခံဒးန့ဢ္ သရဢ္ဒိဢ္ပာ္စုအိဢ္ဒံး.